23 сентября, 2020

«Төрөөбүт тылы сайыннарыы – барыбыт сорукпут!» сэминээр

Төрөөбүт сахалыы тылбыт — биһиги туох-ханнык дьоммутун, хантан хааннаахпытын, кимтэн кииннээхпитин бигэтик туоһулуур, көрдөрөр. Саха тыла — дириҥ ис хоһоонноох, дууһаны сылаанньытар, сүрэ5и өрүкүтэр ойуулуур-дьүьүннүүр олоҥхо тыла. Ол да иһин тойуксут өбүгэлэрбит үгүс үйэлэри уҥуордаан, сүтэрбэккэ а5алан, суруйааччыларбыт, учуонайдарбыт сурукка киллэрэн, ЮНЕСКО көмөтүнэн киһи аймах чулуу айымньыларын ахсааныгар киирбитэ. Бу — биьһиги норуот быһыытынан киэҥ туттуубут.

Биһиги, саха дьоно буоларбыт быһыытынан, оҕолорбутугар төрөөбүт ийэ тылларын, культураларын умнубакка, көлүөнэттэн көлүөнэҕэ бэриллэ турарыгар баҕарабыт.

Ыам ыйын 5 күнүгэр биһиги оскуолабытыгар «Төрөөбүт тылы сайыннарыы – барыбыт сорукпут!» диэн учууталларга, төрөппүттэргэ аналлаах семинар буолаан ааста. Манна көхтөөх кыттыыны ыллылар оскуола педагогтара, 19 №-дээх «Кэнчээри» о5о уһуйаанын иитээччилэрэ. Семинар үлэтин сүрүн сыалынан буолбуттара:

— ыччаппытыгар саха тылын сайыннарыы

— үөрэх тиһигин бары таһымыгар төрөөбүт тылбытын, литературабытын, культурабытын үөрэтии ис хоһоонун, ньыматын, хааччыллыытын хайдах тупсарар туһунан саргылаах кэпсэтиини тэрийии, сүбэлэһии, кэскиллээх суоллары тобулуу.

Семинар кыттыылаахтара оҕолорго төрөөбүт тылы хайдах иҥэрэр ньымаларын, сахалыы саҥарарга хайдах үөрэтэллэрин, саха норуотун уус-уран айымньытыгар хайдах уһуйалларын кэпсээтилэр, көрдөрдүлэр.

Бу сыл муус устар 4-6 күннэригэр саха тылын, литературатын уонна култууратын учууталларын бастакы съеһэ Дьокуускай куоракка буолан ааспыта. Биһиги бөһүөлэкпититтэн делегатынан сылдьыбыта Симонова Эмилия Семеновна, оскуолабыт дириэктора уонна саха тылын, литературатын учуутала. Онон көрөөччүлэр, төрөппүттэр съезд үлэтин туьһунан сэргии иһиттилэр, уураахтарын билсистилэр.

Сахалыы алпабыыт хайдах оҥоһуллубутун ким оҥорбутун туһунан кэрэхсэбиллээхтик кэпсээтэ оскуола музейын улэһитэ Ольга Иннокентьевна Иевлева.

Семинар кыттыылаахтарын э5эрдэлээтилэр о5о уһуйаанын иитиллээччилэрэ Генеров Валера – «Төрөөбүт тыл» диэн хоһоонунан, Васильева Элина – хомуска сахалыы матыыптарынан.

Бравина Индира Семеновна, уерэх чааьыгар дириэктэри солбуйааччы

Добавить комментарий

Ваш адрес email не будет опубликован. Обязательные поля помечены *