23 сентября, 2020

Улуу кыайыы 72 сылын көрсө…

Улуу Кыайыы 72 сылын көрсө, ыам ыйын 4 күнүгэр Р.В.Лонкунов аатынан Мииринэй улууһун 9-с нүөмэрдээх орто оскуолатыгар сэрии аас-туор сылларыгар үөрэммит, үлэлээбит тыыл бэтэрээннэрин кытта итии-истиҥ көрсүһүү буолан ааста. Оҕолор бэтэрээннэри оскуолаларын ааныттан көрсөн, биир-биир бырааһынньыктыы киэргэммит актовай заалга киллэртээн истилэр. Онтон тыыл бэтэрээннэрэ үксүлэрэ кыайан хаампат буолан, оскуола улэһитэ Сидоров Михаил Александрович бэйэтин массыынатынан дьиэлэриттэн тиэйтэлээн аҕалтаата. Ол курдук биһиэхэ ыалдьыттаатылар тыыл бэтэрээннэрэ:

  1. Наумова Марфа Николаевна — сэрии бэтэрээнин огдообото, тыыл бэтэрээнэ
  2. Иванова Федора Васильевна – тыыл бэтэрээнэ
  3. Данилова Анастасия Павловна – тыыл бэтэрээнэ
  4. Герасимова Татьяна Трофимовна – тыыл бэтэрээнэ
  5. Коколова Татьяна Филипповна – сэрии тулаайаҕа, үлэ бэтэрээнэ
  6. Данилов Иван Тихонович – улэ бэтэрээнэ
  7. Петрова Елизавета Васильевна – үлэ бэтэрээнэ

Оҕолор бэтэрээннэри эҕэрдэлээн хоһоон эттилэр, ырыа ыллаан чаҕаардылар, оскуола коллектива хор толордо.  Бэтэрээннэр да хаалсыбатылар, сэрии саҕана хайдах үөрэммиттэрин, сайыҥҥы үлэлэрин кэпсээтилэр. Өссө ырыа ыллаан иһитиннэрдилэр. Ол курдук А.П.Данилова көрдөөх частушкалары ыллаан дьону күллэрдэ, үөртэ. Сцена бэтэрээннэрэ Ф.В.Иванова, Е.В.Петрова ырыа ыллаан эйээрдилэр.

Ити курдук дьоро киэһэ олус көхтөөхтүк ааста.

Музей үлэһитэ Иевлева Ольга Иннокентьевна

Добавить комментарий

Ваш адрес email не будет опубликован. Обязательные поля помечены *